|
Urtagarðskvøld á bókasavninum
Hóskvøldið 10. mai kl. 19.30 helt býargartnarin Jóan Petur Berg fyrilestur á Fuglafjarðar bókasavni um urtagarðar og urtagarðsrøkt. Nógv fólk var komið at hoyra urtagarðsmannin, ið gav leiðbeining og góð ráð, um hvussu vit skuldu gera og røkja urtagarðin í okkara kørgu jørð
og harðbalnað veðurlagi. Eftir fyrilesturin fingu vit kaffi, og tá var høvi
at seta fakmanninum spurningar - ein møguleiki, ið fleir fólk tóku av.
Ætlar tú tær at gera urtagarð ella vantar tær hugskot til ráð til
urtagarðsarbeiðið, so hevur Fuglafjarðar bókasavn nógvar bøkur urta-
garðsrøkt. Heilt víst eisini okkurt til tín.
Listan við bókunum finnur tú her.
Game of Thrones
Filmurin Game of Thrones byggir á fantasy-røðina "A song of Ice and Fire", ið George R. R. Martin hevur skrivað, men tær nýtist ikki at vera fantasyfjeppari fyri at lata teg hugtaka av hesi søgu.
Game of Thrones er episk fantasy fyri vaksin, fult av intrigum, mystikki og klandri í einum miðaldaruniversi, har svør, gandur og eitur verða brúkt sum vápn í bardaganum. Hetta er bardagin hjá krúnunum um
trúnuna. Einki verður spart og fingrarnir verða ikki lagdir ímillum.
Filmurin er til láns. Lánitíðin er 7 dagar.
Trailara til "Game of Thrones Season" 2 sær tú her
Fyrilestur á bókasavninum
Mikudagin 28. mars, kl. 19.30 heldur Steffen Stummann Hansen áhugaverdan fyrilestur á Fuglafjarðar bókasavni undir heitinum Undangongukvinnur.
Í seinru helvt av 19. øld tók nýtt yrki seg upp
í Føroyum - fotografyrki. Í Havnini og fleiri bygdum við settu yrkisfotografar seg niður, har teir við portrettmyndatøku fyrst og
fremst royndu at skapa sær eitt tilveru-
grundarlag. Høvuðskraftin í hesi menning vóru ungar kvinnur, ið
flest allar høvdu lært seg myndatøku í útlondum.
Hvat fekk hesar ungu kvinnur at ganga undan? Hvat eggjaði
teimum? Og hvat kostaði hetta teimum?
Fyrilesturin lýsir hesar undangongukvinnur og tær siðbundnu og
fíggjarligu umstøður, ið tær vuksu upp undir, og sum vóru teimum ein
forðing í royndunum at gerast sjálvstøðugar vinnurekandi.
Eftir fyrilesturin er høvi til eitt prát og ein drekkamunn. Tiltakið er
ókeypis, og øll eru vælkomin.
Karsten Hoydal 100
Tann 28. mars eru 100 ár liðin, síðani Karsten Hoydal, skald, varð borin í heim.
Karsten var fjøltáttaður høvundur og skald. Hann skrivaði yrkingar, stuttsøgur, týddi, ummælti, skrivaði yrkisgreinar og barnasøgur. Í sínum skaldskapi lýsti hann
m.a. náttúruna, lívskorini, barnalyndið og vandan við kríggi og
hernaðardubbing. Karsten Hoydal var nýskapandi høvundur, bæði
málsliga og innihaldsliga. Fyrsta útgáva hansara var yrkinga-
savnið Myrkrið reyða í 1946.
Les meira um høvundan her
Rithøvundaskrá sært tú her
Páskir
Páskirnar nærkast. Bókasavnið hevur nógvar bøkur um at klippa
og gera páskaprýði.
Sí bókalistan her
Her finnur tú ymiskt á netinum um páskirnar:
Duda.dk
Síða við nógvum leiknjum til páskaegg - pappírsklipp og prýði -
páskamat, søgan um páskirnar o.m.a.
Historie-online.dk
Her finnur tú søguna um páskirnar, spøl við eggum, uppskriftir
og eitt sindur um páskaharuna.
Ptt-museum.dk
Um páskasiðir, spøl, páskamat og pátrúgv um páskirnar.
Gevið gætur: Fram til páskirnar er útlánstíðin 7 dagar. Bøkurnar
kunnu endurnýggjast, um eingin annar bíðar eftir teimum.
 Sálarlig vælvera
Í lívsstílssendingini Fit í útvarpinum setir Elin sálaliga vælveru á breddan í komandi sendingum. Bókasavnið hevur bøkur um sálarliga vælveru.
Sí bókalistan her
|
