Heim

Fuglafjarðar bókasavn

OPIÐ:

Má-frí: 9-17

Leyg: 9-12

 

Lesiringur

 

Dámar tær væl at lesa, men saknar onkran at vera saman um upplivilsið? Á Bókasavninum hava vit ein lesiring, ið hittist á bókasavninum 1 ferð um mánaðin frá september til mai. Har práta vit um og greina góðar bøkur.

 

Hevur tú hug at koma upp í verandi lesiring ella at stovna nýggjan lesiring saman við onkrum, ið tú kennir, set teg so í samband við Bókasavnið á tlf. 238016 ella send okkum ein teldupost bokasavn@fuglafjordur.fo

 

Stendur uppgávan fyri durunum?

 

Um tú skalt skriva uppgávu, so er tað sjálvsagt at brúka Fuglafjarðar bókasavn fyri at finna tilfar.

 

At velja evni

Tá tú velur tær eitt evni, mást tú m.a. tryggja tær, at relevant tilfar um evni er til - t.d. at tað ikki er so nýtt, at einki er skrivað um tað. Eisini eigur tú at geva tær far um hvat hini skriva um, tí tá øll skriva um tað sama, er skjótt at alt er útlænt.

 

At finna tilfar

Bókavørðurin hjálpi tær at finna tilfarið og hvar bøkurnar standa á bókasavninum.

Um tú ikki finnur bøkur um evni, ella hevur brúk fyri meiri, kanst tú leita í tíðarritsgreinum ella í dátugrunnum, ið Fuglafjarðar bókasavn hevur atgongd til. Gevur hetta heldur einki úrslit, kunnu vit útvega tilfar frá øðrum bókasøvnum til tín.

 

Lán

Hetta er alt ókeypis, og hevur tú eitt lánarakort, ið tú hevur fingið úr skúlanum, brúkar tú bara tað sama kortið her á bókasavninum - einki roks.

Vit síggjast á Bókasavninum!

Fylg við okkum á Facebook

 

Her leggja vit tiltøk, nýggjar bøkur, filmar og annað gott út.

Fuglafjarðar bókasavn, í Støð 1, 530 Fuglafjørður - tlf. 238016 - t-postur: bokasavn@fuglafjordur.fo

Copyright © All Rights Reserved